من تطلع شمس عاشر محرم

هــالعيله يحسين هــاي آخر ليله
أشــوفنكـم جثــث ونحور من تطلع شمس عاشور


خويـــه ريـــت الليل يبقه اومــــا يطل باجر عليـنه
إولا أشــــوفنكم ضحـــايا والتــــراب امـــــوسدينه
يـــاهو النـه اخلاف عينك لو رحت خويه امن ادينه

من أرجع الأرض الوطن يــــاهو ايتكفـّــل بالضعن
يحسيــــن يكتلنــه الحزن لـــو تـمــــر شمـّات بينه

للمـــوت إخذونـي اوياكم مـــــاريد عمـري ابلياكم
يولينـــــه الزمـــن ويجور مــن تطلـع شمس عاشور


حسيـــن يـــا بدر الليالي يــبــن والـــدتـّي الزجيـّه
ردّته يفنـه اوياك عمري امنيـــن اجتنـي الغاضريّه
كلبــي مـــاضنه ايتحمـّل همـّي لــو ظل بس عليـّه

وحــدي أظــــل ابكربله هــــالموقــــف اشيتحمـّله
فكــدك اونــــار العــايله خويــــه كلـّي شلون بيـّه

تردون وحدي اتخلـّوني يــا حيف يهلي اتعوفوني
بركـــان المــآسي ايثور مــن تطلع شمس عاشور


يـــبــن ابــوي اويــبــن امـّي اويا عزيـز النبي الهادي
خويه إصغي الصوت روحي وسمـــع اعليـك اشتنادي
إتكلـّك ارحـــمــنـــي يـوالي اوردنــي يالهيبه البلادي

ردنـــي يخويـــــه الديــرتي هلـّبــت تـــهوّد حسـرتي
آ يــــا مـصابـــــي اوعلـّتي لو سره ابضعني الحادي

بـــدروب مجهوله اوخطره يحـدون ببنــــات الزهره
وعليــلك بـــالحبــل ميسور مــن تطلع شمس عاشور


إخوتي وصيــــوان خدري الكل فعل منهم يسرني
اويــاهم آخــر ليــله هاذي اوباجر ايروحون عنـّي
أرد اكـابــلـهـــم ونــوحـن واستعـــــد ليـّام حزني

أتمنـّه أبقـــــه اويـه الأهل ويعيش بعماقـي الأمل
وتمنـّه وحــــدي مــا أظل لجـن شـيــفــيــد التمني

يـــاريت مـــا يصبح باجر وحسين عن بيته ايغادر
مــن عينــي الدموع اتفور من تطلع شمس عاشور


يلـّي مـــا تعرف قدرهه هـــاي ليلــه ابــألف ليله
بيهـــه اهل بيـــت النبوّه جدهــــه كامـــت تشتكيله
اوبيهــه ابو اليمـّه ينادي والأســــى حــس ابـدليله

مـــانــي ابحــال امنيـّتي اولا حال كومي اولخوتي
لاجن عله اختي هظمتي زيـنـــب الحـــرّه العـقيـله

لـو غـــاب عنهه الدللهه تحتــار يـــاهـــو اليكفلهه
تندبنـــه ابكلــب مـفطور مــن تطلـع شمس عاشور