قصيده بحق زينب

اللهم تقبل منا هذا القربان
يا زينب منو مثلج يحمل هذا الإيمان
ــــــــــــــــــــــــــــــــــــــــ ـــــــــــــــــــ
ماكو أخت التفكد أخ مثلة تصبر هيهات
مو مثل الناس وتتحمل إنسان ومات
هذا كتاب الله ونزفت منه الآيات
اللهم تقبل من هذا القرآن

ــــــــــــــــــــــــــــــــــــــــ ـــــــــــــــــــ
منو مثلج وكفت ما طاحت ما باد الحيل
وتباوع لأجساد اخوتهه تسحكهه الخيل
وبتراب المعركه تتيمم وتصلي الليل
تطلب وتناجي وتتوسل رب الأكوان
اللهم تقبل منا هذا القربان

ــــــــــــــــــــــــــــــــــــــــ ـــــــــــــــــــ
منو مثلج عطشانة وتمشي وتوصل للشام
كدامج على الرمح وينزف راس الإمام
وبثوبج متمسكه وتمشي تبجي الايتام
كل هذا و وجهج يا زينب ما شافه إنسان
يا زينب يحمل هذا الأيمان
اللهم تقبل منا هذا القربان

ــــــــــــــــــــــــــــــــــــــــ ـــــــــــــــــــ
غيرج ما دخلت مسبيه بمجلس أنجاس
تخطب خطبة حيدر بيهم وتضج الناس
يمكن مولاتي تبسملج بالطشت الرأس
فارس ويصول بمجلسهم ما جنه لسان
يا زينب منو مثلج يحمل هذا الإيمان
اللهم تقبل منا هذا القربان