ابكي اعلى زينب

هاي انه زينب والدمــع تعرفني الناس

أيامي تبدي امن الضلع تنتهي بعباس

نفسي انه زينب ــــــــــــــ وبجي أعله زينب

ـــــــــ

جرح يفتح جرح وتسله بجروحي

وتـعلم حـمام النـوح مـن نـوحــي

أبجي ساعه لهلي وابجي الروحي

العقيـله انه ومايبطل ابـد مــوحي

أول مصيبه عاشرت فكري يشيعه

بعيوني لمن شاهدت ضلع الوديعه

من حكي انحب ـــــ وبجي أعله زينب

ــــــــــــــــــــــ

ابكل عمري الفرح مايـوم دك بابي

لبست الحـزن ثـوب وصار جلبابي

بـــعد فكــد الــزجـيه اغله احــبابي

افكدت حيدر وزادت لوعة امصابي

من نزف جرحه اتأكدت دارت الايـــام

والجاي أصعب اعرفت من حزن والام

بدري تغيب ـــــ وبجي أعله زينب

ـــــــــــــــــــ

بعـــد جـــرح البتـــول وحيدر الكــرار

مايرحــم عـــرفته هــالدهدر لو جـــار

مشبوحه أعله اخوتي عيني ليل انهار

علــيهم خــايفه مــن زمــرة الاشــرار

مو كافي مني يازمن عـذبت روحي

لا تاخذ مني الحسـن وتزيد نــوحي

مو ناري تلهب ـــــــــ وبجي أعله زينب

ـــــــــــــــــــــ

ويـن احبابي هـذا الدهـــر يتعنه

وياخـذهم مــني واكــطع الظــنه

ودعـت الحسن بالعـــبره والونه

وشفت جـــبده وخيي أيست منه

من شــفت جبده بالطشت خــابت امــالي

ابثوب المناحه اتكبعت وبجي أعله حالي

وكلبي تعذب ـــــــ وبجي أعله زينب

ــــــــــــــــ

بس طيف النوايب ســاكن ابالي

ولن وحدي ابساحت كربله تالي

ويــن أكــصد وبيه لاذت اطفالي

وخوي احسين جثه طايح اكبالي

وبعيوني من شفت الشمر والسيف بيديه

ظلـيت اصـــيح ابلا فــكر اذبحني خـــليه

عوف المخضب ــــــــ وبجي أعله زينب

بعــيوني انه الي شــفت ضـلعين

ونـــاريـــن وشـــــــفت طشـــتين

جبد المجتبى واحد وراس حسين

والمفاركت عيني جــــفوف اثنين

عـــباس وسمه مـن يمر أذكـــر دلالي

بوجوده جنت أم الخدر وياحيف تالي

بغيابه أنسب ــــــــ وبجي أعله زينب