قصيده للعباس

مــن صوّل كمـــر عدنانهه الروس كطـّعهـــه اوخبـط ميدانهه

صــوّل اوخلـّه الزلـــم كلهــه تلوج
بحــره مـحـّد كــدر بمواجـــه يفوج
الارض منـّه اختلت اوكامت تموج
والحـرب بيـــده عِــدل مــيـــزانهه

يــوم شد اعلـــه المطهـّـــم واعتله
كمـــر هاشـــم والله زلــزل كربله
الوكــف كدامـــه تــدوهـــن وابتله
ومنـّه تــتــراجف أشــــد فرسانهه

مـــن حمل بــيـــرق العليه ابيمنته
بزوده فــوك امن النجــم دك ثايته
همّـــة الكـــرار جــانـــت هــمـّته
وصــار شيخ المعركه اوسلطانهه

جـان لخته ابكل وكت في اوضره
وجـان كــل هـمـّه تـظــل امخدّره
يحيــر لو شـــاف العقيلـة امحيـّره
اويبــذل الهــه اشما يكول السانهه
طفح عزمـــه اوقفل بيبـــان العزم
وكلهه ما توصل عشر زوده الزلم
صـــار لهل المجـــد والغيـرة علم
والمعالـــي ابكــل وكــت عنوانهه

اوقصّته من وصل يم نهر الفرات
تضحيه فاقـــت جميـع التضحيات
ابجربتـــه روّانـــه إيمــان اوثبات
وهيـــج كال الزلــم يـكبــر شانهه

حكهــه زينب بــالحرب من تفتخر
حسيــن يمهه ويمهه عبـّاس الكمر
طبـّو الميــدان مـــن شـب واستعر
خـل تـهلـهـل زيــنـــب الخــوّانهه